![Norðurljósasýning](https://images.prismic.io/perlan/3277f6ca-d639-4633-94a0-74c547790ac6_bgvideo_norhternlights_1stframe.jpg?auto=compress%2Cformat&fit=max&w=3840)
![Norðurljósasýning](https://images.prismic.io/perlan/d967c23d-c983-4ab5-81f2-ae92c6d17ea8_northernlighs_pic01.jpg?auto=compress%2Cformat&fit=max&w=3840)
Norðurljósasýningin Áróra
Áróra heitir falleg saga um norðurljósin. Sögumaðurinn er hin rómverska gyðja morgunroðans, sem hefur gefið þessu himinfyrirbæri alþjóðlegt heiti sitt, aurora borealis. Í sögu Áróru fléttast saman vísindi og listir, og gestum er boðið í ferðalag út í geim til að skilja betur þetta magnaða náttúruundur.
Í Perlunni má sjá hvaðan norðurljósin koma og hvernig þau verða til. Og Áróra segir um þau sígildar sögur. Norðurljósin tindra allt í kringum gestinn, í íslenskri náttúru og úti í geimnum.
Stjörnuver Perlunnar er stærsta og tæknivæddasta stjörnuver landsins. Þar er hvolfskjár með 8K-upplausn, sem ásamt mögnuðu hljóðkerfi skapar stund sem aldrei gleymist.
Norðurljós á Íslandi
Norðurljós ‒ og suðurljós ‒ verða til við samspil segulsviðs jarðar við hlaðnar agnir frá sólu, og sjást aðeins á ákveðnu bandsvæði kringum segulskautin í norðri og suðri. Þetta náttúrufyrirbæri hefur heillað mannkynið frá upphafi vega. Norðurljós sjást aðeins á veturna og hérlendis setur skýjafar, veður og ljósmengun oft strik í reikninginn. Það er sama hversu vel maður undirbýr sig – eina leiðin til að vera alveg öruggur um að sjá norðurljósin á Íslandi … er að heimsækja Perluna.
![Norðurljósasýning](https://images.prismic.io/perlan/c7d3cb7f-7390-4412-94ab-7ce4a99ce0a5_expvideo_northernlighs3_1stframe.jpg?auto=compress%2Cformat&fit=max&w=3840)