Gjaldtaka á útsýnispall Perlunnar hefst 1. september

parlan observation platform
Perlan og útsýnispallurinn séð úr norðri.

Þann 1. september næstkomandi mun Perla norðursins hefja gjaldtöku út á útsýnispall Perlunnar. Gjaldi verður haldið í lágmarki og mun kosta 490 krónur fyrir 16 ára og eldri en frítt verður fyrir 15 ára og yngri sem og gesti íshellis og jöklasýningar Perlunnar.

Gjaldtakan er sett á vegna aukins viðhalds- og rekstrarkostnaðar en Perlan mun í kjölfarið fjölga upplýsingastöndnum á útsýnispallinum í þeim tilgangi að auka upplifun gesta og fræða þá enn betur um það sem fyrir augu ber.

„Þegar mest er koma um 5 þúsund gestir til okkar í Perluna á degi hverjum og hefur þessi umferð kallað á aukinn kostnað. Við munum því leggjast í framkvæmdir á útsýnispallinum á næstu misserum þar sem við munum stórbæta aðstöðuna og þar af leiðandi upplifun gesta sem á pallinn koma,“ segir Agnes Gunnarsdóttir, framkvæmdastjóri Perlu norðursins. „Perlan verður þó að sjálfsögðu opin öllum þeim að kostnaðarlausu og vonum við að gestir taki vel í þetta framtak.“

Leave a Comment